ਪੋ੍. ਕੁਲਬੀਰ ਸਿੰਘ ਦੀ ਪੁਸਤਕ "ਮੀਡੀਆ ਅਲੋੋਚਕ ਦੀ ਆਤਮ ਕਥਾ" ਤੇ ਹੋਈ ਭਰਵੀਂ ਵਿਚਾਰ ਚਰਚਾ ਪੁਸਤਕਾਂ ਬੰਦੇ ਦਾ ਬੌਧਿਕ ਵਿਕਾਸ ਕਰਦੀਆਂ ਹਨ - ਡਾ ਮਨਜਿੰਦਰ

 

ਅੰਮਿ੍ਤਸਰ,6 ਮਈ- ( ਦੀਪ ਦਵਿੰਦਰ ) ਪ੍ਮੁੱਖ ਕਾਲਮ ਨਵੀਸ ਅਤੇ ਮੀਡੀਆ ਅਲੋਚਕ  ਪੋ੍. ਕੁਲਬੀਰ ਸਿੰਘ ਦੀ ਨਵ ਪ੍ਕਾਸ਼ਿਤ ਅਲੋਚਨਾ ਪੁਸਤਕ "ਮੀਡੀਆ ਅਲੋਚਕ ਦੀ ਆਤਮ ਕਥਾ" 'ਤੇ ਸਥਾਨਕ  ਕੇ. ਟੀ. ਕਲਾ ਮਿਊਜ਼ਮ ਲਾਂਰੰਸ ਰੋਡ ਵਿਖੇ ਭਰਵੀਂ ਵਿਚਾਰ ਚਰਚਾ ਕਰਵਾਈ ਗਈ।  ਯੂ ਐਨ ਇੰਟਰਟੇਨਮੈਂਟ ਸੁਸਾਇਟੀ ਵਲੋਂ ਗਾਇਕ ਅਤੇ ਸੰਗੀਤਕਾਰ  ਹਰਰਿੰਦਰ ਸੋਹਲ ਅਤੇ ਬਿ੍ਜ਼ੇਸ਼ ਜੌਲੀ ਦੇ ਸਾਂਝੇ ਸਹਿਯੋਗ ਨਾਲ ਹੋਏ ਇਸ ਸਮਾਗਮ ਨੂੰ ਸ਼ਾਇਰ ਮਲਵਿੰਦਰ ਨੇ ਤਰਤੀਬ ਦਿਤੀ। ਡਾ ਲਖਬੀਰ ਸਿੰਘ ਨੇ ਚਰਚਾ ਦਾ ਆਗਾਜ਼ ਕਰਦਿਆਂ ਕਿਹਾ ਕਿ ਪੁਸਤਕ ਅੰਦਰਲੀ ਸਾਹਿਤਕ ਸਬਦਾਵਲੀ ਸੋਹਜ ਮਈ ਸੰਵਾਦ ਰਚਾਉਦੀ ਹੈ।  ਡਾ ਹੀਰਾ ਸਿੰਘ ਨੇ  ਕਿਹਾ ਕਿ ਪ੍ਰੋ਼. ਕੁਲਬੀਰ ਸਿੰਘ ਦੀ ਇਹ ਪੁਸਤਕ ਇਕ ਸਫਲ ਬੰਦੇ ਦੀ ਜੀਵਨ ਗਾਥਾ ਹੈ ਜਿਸ ਵਿਚ ਉਹ ਸਫਲ ਜੀਵਨ ਦੇ ਗੁਰ ਦੱਸਦਾ ਹੈ।  ਡਾ ਬਲਜੀਤ ਰਿਆੜ ਨੇ ਦਸਿਆ ਕਿ ਚਰਚਾ ਅਧੀਨ ਪੁਸਤਕ ਦੇ ਲੇਖਕ ਦੀ ਸਫਲਤਾ ਇਸ ਗੱਲ ਵਿਚ ਹੈ ਕਿ ਉਸਨੇ ਆਪਣਾ ਮਨ ਪਸੰਦ ਕਿੱਤਾ ਚੁਣਿਆ ਅਤੇ ਆਪਣੇ ਸ਼ੌਕ ਨੂੰ ਕਿੱਤੇ ਨਾਲ ਜੋੜ ਕੇ ਸਫਲਤਾ ਅਤੇ ਪ੍ਰਸਿੱਧੀ ਪ੍ਰਾਪਤ ਕੀਤੀ ਹੈ। ਸਮੁੱਚੀ ਚਰਚਾ ਨੂੰ ਸਮੇਟਦਿਆਂ ਡਾ ਮਨਜਿੰਦਰ ਸਿੰਘ ਨੇ ਕਿਹਾ ਕਿ ਇਸ ਪੁਸਤਕ ਵਿਚੋਂ ਪੰਜਾਬੀ ਮੀਡੀਆ ਦੇ ਵਿਕਾਸ ਦੀ ਇਤਿਹਾਸਕ ਰੇਖਾ ਨੂੰ ਵੀ ਸਪੱਸ਼ਟ ਰੂਪ ਵਿਚ ਵੇਖਿਆ ਜਾ ਸਕਦਾ ਹੈ। ਪੋ੍ ਕੁਲਬੀਰ ਸਿੰਘ ਨੇ ਕਿਹਾ ਕਿ ਵਿਦਵਾਨਾਂ ਦੇ ਵਿਚਾਰਾਂ ਨੇ ਉਹਨਾਂ ਦੀ ਪੁਸਤਕ ਨੂੰ ਨਵੇਂ ਅਰਥ ਬਖਸ਼ੇ ਹਨ। ਪੋ੍ ਰੂਪਿੰਦਰ ਕੌਰ ਨੇ ਵੀ ਸੰਬੋਧਨ ਕੀਤਾ ਅਤੇ ਕਥਾਕਾਰ ਦੀਪ ਦੇਵਿੰਦਰ ਸਿੰਘ ਨੇ ਸਭ ਦਾ ਧੰਨਵਾਦ ਕਰਦਿਆਂ ਸਮਾਗਮ ਦੀ ਸਰਾਹਨਾ ਕੀਤੀ॥ ਇਸ ਮੌਕੇ ਪੰਜਾਬੀ ਰਸਾਲੇ ਮੰਤਵ ਦਾ ਪ੍ਰਥਮ ਅੰਕ ਵੀ ਲੋਕ ਅਰਪਣ ਕੀਤਾ ਗਿਆ ।  ਹੋਰਨਾ ਤੋਂ ਇਲਾਵਾ ਇਸ ਮੌਕੇ ਡਾ ਮੋਹਨ ਬੇਗੋਵਾਲ , ਵਿਸ਼ਾਲ ਬਿਆਸ, ਡਾ ਪ੍ਭਜੋਤ ਕੌਰ, ਕੁਲਬੀਰ ਸਿੰਘ ਸੂਰੀ , ਉੱਘੇ ਪੱਤਰਕਾਰ ਤੇ ਅਦਾਕਾਰ ਜਸਵੰਤ ਜੱਸ , ਦਲਜੀਤ ਅਰੋੜਾ , ਅਰਤਿੰਦਰ ਸੰਧੂ , ਰਾਜਖੁਸ਼ਵੰਤ ਸਿੰਘ ਸੰਧੂ, ਨਾਟਕਕਾਰ ਡਾਕਟਰ ਜਗਦੀਸ਼ ਸਚਦੇਵਾ , ਮਨਮੋਹਨ ਸਿੰਘ ਢਿੱਲੋਂ , ਜਸਵੰਤ ਧਾਪ , ਡਾ ਭੁਪਿੰਦਰ ਸਿੰਘ ਫੇਰੂਮਾਨ , ਦਾਨਿਸ਼ ਚੌਧਰੀ, ਜਗਤਾਰ ਗਿੱਲ , ਸਰਬਜੀਤ ਸਿੰਘ ਸੰਧੂ , ਹਰਜੀਤ ਸਿੰਘ ਸੰਧੂ , ਵਿਜੇਤਾ ਰਾਜ , ਰਮਿੰਦਰਜੀਤ ਕੌਰ , , ਸਤਿੰਦਰ ਸਿੰਘ ਓਠੀ , ਡਾ ਰਕੇਸ਼ ਤਿਲਕ ਰਾਜ , ਲੇਖਕਾ ਵਿਪਨ ਗਿੱਲ , ਰੁਪਿੰਦਰ ਕੌਰ ਹਾਜ਼ਰ ਸਨ । 

ਕੈਪਸ਼ਨ:- ਵਿਚਾਰ ਚਰਚਾ ਵਿਚ ਹਾਜਰ ਪੋ੍ ਕੁਲਬੀਰ ਸਿੰਘ , ਡਾ ਮਨਜਿੰਦਰ ਸਿੰਘ, ਦੀਪ ਦੇਵਿੰਦਰ ਸਿੰਘ,ਮਲਵਿੰਦਰ, ਹਰਿੰਦਰ ਸੋਹਲ ਅਤੇ ਹੋਰ ਸਾਹਿਤਕਾਰ