ਅਮ੍ਰਿਤਸਰ, 11 ਜਨਵਰੀ ( ਦਿਲਰਾਜ ਸਿੰਘ ਦਰਦੀ ) :- ਨੱਚ ਗਾ ਕੇ ਮਨਾਏ ਜਾਂਦੇ ਲੋਹੜੀ ਦੇ ਤਿਉਹਾਰ ਨੂੰ ਜੀ ਆਇਆਂ ਕਹਿੰਦਿਆਂ ਸਥਾਨਕ ਆਤਮ ਪਬਲਿਕ ਸਕੂਲ ਇਸਲਾਮਾਬਾਦ ਵਿਖੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ "ਰੌਣਕਾਂ ਲੋਹੜੀ ਦੀਆਂ" ਸਮਾਗਮ ਧਾਮ ਨਾਲ ਮਨਾਇਆ। ਸਕੂਲ ਦੇ ਪ੍ਰਬੰਧਕ ਪ੍ਰਤੀਕ ਸਹਿਦੇਵ ਅਤੇ ਪਿੰ: ਅੰਕਿਤਾ ਸਹਿਦੇਵ ਨੇ ਹਾਜਰ ਅਧਿਆਪਕਾਂ, ਵਿਦਿਆਰਥੀਆਂ ਅਤੇ ਮਾਪਿਆਂ ਨੂੰ ਲੋਹੜੀ ਦੀ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਅਜਿਹੇ ਤਿਉਹਾਰ ਸਾਨੂੰ ਸਭਿਆਚਾਰਕ ਤੌਰ 'ਤੇ ਆਪਸ ਵਿੱਚ ਜੋੜ ਕੇ ਰਖਦੇ ਹਨ। ਇਸ ਮੌਕੇ ਕਥਾਕਾਰ ਦੀਪ ਦੇਵਿੰਦਰ ਸਿੰਘ ਨੇ ਕਿਹਾ ਕਿ ਮੁਕਾਬਲੇ ਬਾਜੀ ਦੇ ਇਸ ਯੁੱਗ ਵਿੱਚ ਵਿਦਿਆਰਥੀਆਂ ਦੇ ਮਾਨਸਿਕ ਬੋਝ ਘਟ ਕਰਨ ਅਜਿਹੇ ਸਮਾਗਮ ਲਾਹੇਵੰਦ ਸਾਬਤ ਹੁੰਦੇ ਹਨ। ਮੋਹਿਤ ਸਹਿਦੇਵ ਅਤੇ ਕੋਮਲ ਸਹਿਦੇਵ ਨੇ ਸਾਂਝੇ ਤੌਰ ਤੇ ਧੰਨਵਾਦ ਕੀਤਾ। ਵਿਦਿਆਰਥੀਆਂ ਵਲੋਂ ਲੋਹੜੀ ਦੇ ਗਾਏ ਜਾਂਦੇ ਗੀਤ "ਸੁੰਦਰ ਮੁੰਦਰੀਏ ਹੋ" ਤੇ ਪੇਸ਼ ਕੀਤੀ ਕੋਰੀਓਗ੍ਰਾਫੀ ਨੇ ਖੂਬ ਵਾਹ ਵਾਹ ਖੱਟੀ। ਸਕੂਲ ਦੇ ਵਿਹੜੇ ਵਿੱਚ ਭੁੱਘਾ ਬਾਲ ਕੇ ਲੋਹੜੀ ਮਨਾਈ । ਇਸ ਸਮੇਂ ਪਰਮਜੀਤ ਕੌਰ, ਤ੍ਰਿਪਤਾ, ਕਮਲਪ੍ਰੀਤ ਕੌਰ ਕਾਮਨੀ ,ਜਗਜੀਤ ਕੌਰ, ਸ਼ਿਵਾਨੀ, ਸ਼ਮੀ ਮਹਾਜਨ, ਪੂਨਮ ਸ਼ਰਮਾ, ਦੀਪਿਕਾ, ਮਿਨਾਕਸ਼ੀ, ਸੁਭਾਸ਼ ਪਰਿੰਦਾ ਅਤੇ ਨਵਦੀਪ ਕੁਮਾਰ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਅਧਿਆਪਕ ਅਤੇ ਵਿਦਿਆਰਥੀ ਹਾਜਰ ਸਨ ।
ਕੈਪਸ਼ਨ:-"ਰੌਣਕਾਂ ਲੋਹੜੀ ਦੀਆਂ " ਸਮਾਗਮ ਵਿੱਚ ਲੋਹੜੀ ਬਾਲਦੇ ਹੋਏ ਅਧਿਆਪਕ ਅਤੇ ਵਿਦਿਆਰਥੀ
Comments
Post a Comment