ਅੰਮ੍ਰਿਤਸਰ, 27 ਦਸੰਬਰ ( ਦਿਲਰਾਜ ਸਿੰਘ ਦਰਦੀ ) ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਜਨਰਲ ਸਕੱਤਰ, ਸਹਿਤਕ ਰਸਾਲੇ "ਹੁਣ" ਦੇ ਸੰਪਾਦਕ ਅਤੇ ਪ੍ਰਮੁੱਖ ਗ਼ਜ਼ਲਗੋ ਸੁਸ਼ੀਲ ਦੁਸਾਂਝ ਅਤੇ ‘ਪੰਜਾਬੀ ਟ੍ਰਿਬਿਊਨ’ ਦੇ ਸਾਬਕਾ ਸਬ ਐਡੀਟਰ ਕਮਲ ਦੁਸਾਂਝ ਨੂੰ ਉਸ ਵੇਲੇ ਗਹਿਰਾ ਸਦਮਾ ਪੁੱਜਾ ਜਦੋਂ ਉਨ੍ਹਾਂ ਦੇ ਸਤਿਕਾਰਤ ਮਾਤਾ ਰਕਸ਼ਾ ਦੇਵੀ ਜੀ ਬੀਤੀ ਰਾਤ ਅਕਾਲ ਚਲਾਣਾ ਕਰ ਗਏ। ਕੇਂਦਰੀ ਸਭਾ ਦੇ ਦਫਤਰ ਸਕੱਤਰ ਕਥਾਕਾਰ ਦੀਪ ਦੇਵਿੰਦਰ ਸਿੰਘ ਨੇ ਦੱਸਿਆ ਕਿ ਦੁਨੀਆਂ ਭਰ ਵਿੱਚ ਵਖਰੀ ਪਛਾਣ ਰਖਣ ਵਾਲੇ ਪੰਜਾਬ ਦੇ ਇਤਿਹਾਸਕ ਪਿੰਡ ਦੁਸਾਂਝ ਕਲਾਂ ਦੇ ਵਸਨੀਕ ਮਾਤਾ ਜੀ ਨੇ ਲਗਭਗ ਨੌ ਦਹਾਕੇ ਦਾ ਤੰਦਰੁਸਤੀ ਵਾਲਾ ਸਹਿਜ ਜੀਵਨ ਜੀਵਿਆ। ਬੀਤੀ ਰਾਤ ਉਹਨਾਂ ਆਪਣੇ ਜੱਦੀ ਘਰ ਅੰਤਿਮ ਸਵਾਸ ਲਏ। ਅੱਜ ਉਹਨਾਂਦਾ ਅੰਤਿਮ ਸੰਸਕਾਰ ਉਹਨਾਂ ਦੇ ਪਿੰਡ ਦੁਸਾਂਝ ਕਲਾਂ ਵਿਖੇ ਕੀਤਾ ਗਿਆ। ਮਾਤਾ ਜੀ ਨਮਿਤ ਅੰਤਿਮ ਅਰਦਾਸ 6 ਜਨਵਰੀ ਨੂੰ ਗੁਰਦੁਆਰਾ ਸ਼ਹੀਦਾਂ ਦੁਸਾਂਝ ਕਲਾਂ ਵਿਖੇ ਹੋਵੇਗੀ। ਮਾਤਾ ਜੀ ਦੇ ਇੰਝ ਬੇਵਕਤੀ ਤੁਰ ਜਾਣ 'ਤੇ ਸੁਸ਼ੀਲ ਦੁਸਾਂਝ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨਾਲ ਦੁੱਖ ਸਾਂਝਾ ਕਰਦਿਆਂ ਕੇਂਦਰੀ ਸਭਾ ਦੇ ਪ੍ਰਧਾਨ ਦਰਸ਼ਨ ਬੁੱਟਰ, ਡਾ ਹਰਜਿੰਦਰ ਸਿੰਘ ਅਟਵਾਲ, ਮਖਣ ਕੁਹਾੜ, ਸ਼ੈਲਿੰਦਰਜੀਤ ਸਿੰਘ ਰਾਜਨ, ਡਾ ਪਰਮਿੰਦਰ, ਡਾ ਮਹਿਲ ਸਿੰਘ, ਡਾ ਆਤਮ ਰੰਧਾਵਾ, ਕੇਵਲ ਧਾਲੀਵਾਲ, ਡਾ ਮਨਜਿੰਦਰ ਸਿੰਘ, ਮੁਖਤਾਰ ਗਿੱਲ,ਐਸ ਪਰਸ਼ੋਤਮ, ਮਨਮੋਹਨ ਸਿੰਘ ਢਿੱਲੋਂ, ਹਰਜੀਤ ਸੰਧੂ, ਵਜੀਰ ਸਿੰਘ ਰੰਧਾਵਾ, ਸਰਬਜੀਤ ਸੰਧੂ, ਡਾ ਮੋਹਨ, ਡਾ ਕਸ਼ਮੀਰ ਸਿੰਘ, ਡਾ ਰਜਿੰਦਰ ਰਿਖੀ, ਕੁਲਵੰਤ ਸਿੰਘ ਅਣਖੀ,ਜਗਦੀਸ਼ ਸਚਦੇਵਾ, ਸ਼ੁਕਰਗੁਜ਼ਾਰ ਸਿੰਘ, ਮਾਸਟਰ ਕ੍ਰਿਪਾਲ ਸਿੰਘ ( ਵੇਰਕਾ ) ਸ਼ਾਇਰ ਦਿਲਰਾਜ ਸਿੰਘ ਦਰਦੀ, ਡਾ ਗਗਨਦੀਪ ਸਿੰਘ ਅਤੇ ਮਨਦੀਪ ਬੋਪਾਰਾਏ ਆਦਿ ਨੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
Comments
Post a Comment